Ministri i Jashtëm i Shqipërisë, Igli Hasani është takuar me sekretarin e Përgjithshëm të Kombeve të Bashkuara(OKB), Antonio Guterres.
Hasani me anë të një shkrimi në llogarinë e tij në Facebook, bën të ditur se kanë biseduar mbi kontributin e Shqipërisë në Këshillin e Sigurimit
“Nju Jork, në takimin me Sekretarin e Përgjithshëm të OKB-së Antonio Guterres diskutuam mbi kontributin e Shqipërisë në Këshillin e Sigurimit dhe çështjet më të rëndësishme gjatë mandatit tonë para përfundimit të tij”, shkruan Hasani.
Ministri i jashtëm shqiptar tha se i ka shprehur mirënjohje Guterres për mbështetjen e tij gjatë mandatit të Shqipërisë në Këshillin e Sigurimit të OKB-së dhe drejtimin e organizatës në kohë mjaft sfiduese.
“U fokusuam në angazhimin aktiv të Shqipërisë në të gjitha organet e OKB-së duke filluar nga viti 2024, përfshirë anëtarësimin në Këshillin e të Drejtave të Njeriut dhe në Bordin Ekzekutiv të UNESCO-s.I shpreha mirënjohjen Sekretarit Guterres për mbështetjen e tij gjatë mandatit të Shqipërisë në Këshillin e Sigurimit të OKB-së dhe drejtimin e organizatës në kohë mjaft sfiduese”, shkruan Hasani./Arbresh.info/
Qindra vëzhgues të huaj monitorojnë procesin zgjedhor në Gje...
Cilësohet si ‘ishulli magjik’, ja çfarë e bën të veçantë San...
Inspektorati Policor: Do të verifikojmë pretendimet për keqt...
Gjilani fiton me përmbysje ndaj Llapit, Dukagjini e ndal kam...
Fisnik Asllani i pandalshëm, realizon dy gola në fitoren e s...
Xuxi u tregon banorëve se u arrestua Ilir Meta, reagimi i Re...